Цолъарал миллатазул гIуцIиялъул хIисабалда рекъон, конфликталъе гIоло жидерго рукъзал тун руго 800 азаргоялдасаги цIикIкIун чияс.
Лъутизе ккаразул 95 процент ккола пачалихъалъул рагъул къватаздаги сепаратистаги гьоркьор тунка-гIусиял унеб улкаялъул машрикъалъул рахъалдаса.
Жидерго бакIаздаса лъутизе ккаразул ишазда сверун ООНалъул идараялъул вакилас рузман къоялда Женеваялда тIобитIараб брифингалда лъазабуна, жидерго бакIаздаса лъутизе ккарав 430 азарго гражданав улка тун къватIире ун гьечIин.
Россиялда заманалъ чIезе бакI яги лъутизе ккаразул статус гьарун буго 387 азарго чияс.
6600 чияс гьединаб статус гьарун буго Евроцолъиялда ва 581 чияс – Беларусалда.