Дагъистаналъул педуниверситеталъул студентаз гьоркьоб къотIизабун буго кIиго факультет цолъизабулеб букIиналда бан байбихьун букIараб ракъун чIеялъул акция.
16 октябралда 250 студентас тIобитIун букIана тIоцебе гIодорчIеялъул акция. Гьелъ хIасил кьечIолъиялда бан 21 октябралда гьез байбихьун букIана ракъун чIезе.
Акция гьоркьоб къотIизабизе гьел разилъун руго университеталъул ректорас факультетал цолъизариялъул буюри хисизабун бугин абураб информация щун хадуб. Амма гьез университеталъул нухмалъиялдаса тIалаб гьабулеб буго итни къоялде гьединаб буюриялъул копия бихьизаби. Гьелъул хIакъалъулъ хъвалеб буго «Кавказский узел» сайталъ.