Инсанасул ихтиярал цIунулей Людмила Богатенкова Буденновск шагьаралдаса щвезаюн йиго Пятигорскалда бугеб цIех-рехалъул изоляторалде. 73 сон барай Людмила Богатенковалде гIунтIизабулеб гIайиб – хIилла-макру гьаби.
Гьелъул кумекчIужу Елена Герасимовалъ нижер радиоялъе лъазабуна, гьелдалъун цогидал хIаракатчагIи хIинкъизаризе бокьилаанин. Ахирисел моцIазда Богатенковалъ цIех-рех гьабулаан Украиналъул машрикъалъул рахъалда Россиялъул аскариял чIваялъул хIужабазул.
Богатенкова гьединго ккола Президентасда цебе бугеб инсанасул ихтиярал цIуниялъул Шураялъул рагъулабгун-гражданияб комиссиялъул экспертлъун.