Россиялъул президент Владимир Путиница вачIун вуго Белградалде. Сербиялъул тахшагьаралда кIодо гьабизе буго улка нацистаздаса эркен гьабуралдаса 70 сон тIубай.
Гьениб тIобитIизе буго рагъулаб парад. Ахирисеб гьединаб парад гьениб тIобитIана 30 соналъ цебе. Белградалде сапар бухьизегIан Сербиялъул «Политика» абулеб газетаялъе интервью кьолаго, Владимир Путиница лъазабуна Цолъарал Штатазул президент Барак Обамал Россиялда бараб тушманлъиялъул бербалагьи бугин.
Араб анкьида Цолъарал Миллатазул ГуIциялъул Генералияб Ассамблеялда кIалъазе вахъарав Барак Обамаца абуна Украиналъул машрикъалъул рахъалда россиялъул агрессиялъ «Исламияб пачалихъ» абуле гIуцIиялъго ва Эбола абулеб унтиялъго гIадин дунялалъе хIинкъи кьолеб бугин.