2014 соналъул Нобелил ракълилаб премиялъул лауреаталлъун лъазарун руго пакистаналдаса Малала Юсафзай ва Индиялдаса Кайлаш Сатьяртхи. Юсафзай жигараб къагIидаялда кьеркьолей йиго пакистаналъул ясазе цIалиялъул бихьиназулгун ращадал ресазухъ.
КIиго соналъ цебе гьелъие букIана 14 сон ва талибаз гьей захIматго лъукъана. ТIадекIанцIиялъе гIиллалъун ккун рагIула гIолохъанал ясал цIалунгутIиялъул мурадалда радикалиял исламистаз гьабулеб тIадецуялъул хIакъалъулъ гьелъ жиндирго блогалда хъвалеб букIин.
2013 соналда гIолохъанай пакистаналъулалъе Европарламенталда кьун букIана Андрей Сахаровасул цIаралъул премияги.
Кайлаш Сатьяртхие Нобелил премия кьун буго Индиялда лъимал цIуниялъе гьес гьабулеб жигараб хIалтIиялъухъ.