Россиялъул президент Владимир Путиница 3 октябралда хасаб хIукмуялда гъоркь гъулбас лъун тIасалъугьана ФСБ-ялъул лейтенант Дмитрий Максимовасда. Гьадин лъазабуна прессалъ гьатIан къоялъ.
Низам цIунулезул бихьизабиялда 2008 соналда бензиналъул станциялда мехтарав Максимовас чи чIванин. 2010 соналда гьа баразул диваналъ гьев ритIухъ гьавуна. Владимир икълималъул гарнизонияб диваналъ къотIи гьабуна гьев 11 соналъ жаниве тIамизе.
Максимов жинде гIунтIизабураб гIайибалъе мукIурлъичIо.
Гьесул рагIабазда рекъон жинда тIаде кIанцIанин пуланал гIадамал талавурлъи гьаби мурадалда.
Гьелдаса хадуб Максимовалъул эбелалъ Россиялъул президентасухъе кагъат битIун гьарана жиндир васасда тIаса лъугьаян абун.