ГьатIан къоялъ Болгариялда байбихьана иргадулал гурел парламентиял рищиял. Чанго моцIида жанир гьениб разилъи гьечIолъиялул акция халат бахъунеб букIана ва гьелъул хIасилалда хIукумат хIалхьиялде ана.
Цебеккунго гьабураб гьикъа-бакъиялъул хIасилалъ бихьизабулеб буго вукIарав премьер-министр Бойко Борисов хъулухъалде тIад вуссине бегьулеблъи. Болгариялъул халкъ разияб гьечIо рукIа-рахъиналъул даража гIодобе ккеялдаса.