Донецкалъул аэропорт Украиналъул аскариязул контролалда гъоркь хутIулеб буго. Хамиз къоялъ хIукуматалъул аскарияз нахъ чIвана сепаратистазул цо чанго гьужум.
Гьадин лъазабуна Украиналъул прессалъ хасаб операциялъул штабалъул пресс-централда мугъ-чIвай гьабун.
Гьаб анкьида Донецкалда букIараб кьвагьдеялъул хIасилалда анцIгогIан ракълилав инсан чIван вуго. Гьезда гъорлъ – БагIараб Хъанч абулеб Халкъаздагьоркьосеб Комитеталъул хъулухъчи Лоран Дюпаскье.