Крым татаразул цевехъан, Украиналъул ТIадегIанаб Радаялъул депутат МустIапа Джемилевасул вас Крымалъул заманалъулаб туснахъалдасан Краснодар икълималде щвезавун вугоан.
МустIапа Джемилевасул хIисабалда гьелдалъун Россиялдехун цIикIкIараб цIайи бугезе бокьун бугин жеги бакIаб зулму гьабизе жиндир васазе.
Гьадин гьес лъазабуна Украиналъул 24-билеб телеканалалъе интервью кьолаго.
Дагьалъ цебе Инсанасул ихтиярал цIунулеб Европаялъул диваналъ тIалаб гьабуна Хайсер Джемилев эркенлъуде виччай.
Амма Россиялъул низам цIунулез Хайсер рикIкIула чIвадариялда ва къануналде данде кколареб къагIидаялда ярагъ цIуниялда хурхен бугевлъун.