Франциялъул рагъулаб авиациялъ тIоцересел кьабиял щвезаруна «Исламияб пачалихъ» гIуцIиялъул ГIиракъалда ругел позициязда.
Франциялъул президент Франсуа Олландил администрациялъ лъазабуна, гьел авиакьабиялъул хIасилалда тIуранго рихизарунин ГIиракъалъул шималиябгун магърибалъул рахъалда ругел исламистазул логистикаялъул складалин.
Лъазабулеб буго гьединго гIагарисел къоязда гьединал кьабиял халат рахъинаризе ругин.
Цолъарал Штатаз исламистазде данде тIобитIулеб рагъулаб операциялда гIахьаллъизе байбихьараб тIоцебесеб улка Франция кколин.
Олландил рагIабазда, рагъулаб операция тIибитIизе буго ГIиракъалда ва Сириялде гьеб тIибитIизе гьечIин.