Воронежалда 13 сентябралда шалали лъаларез гьужум гьабуна инсанасул ихтиярал цIунулей хIаракатчIужу Наталья Звягиналъул рукъалде, ян лъазабулеб буго бакIалъулаб прессалъ.
Жийго Звягиналъ абулеб буго гьеб хIужа хурхараб бугин дагьалъ цебе цогидав хIаракатчи Андрей Юровасде гьабураб гьужумалда. Гьединал ишаз гьез гьабулеб буго ниж хIинкъизари мурадалда, ян абуна Звягиналъ.
Гьелъие зарал ккечIо. Полициялъ цIех-рех гьабулеб буго. Наталья Звягина ккола Москваялъул Хельситнкиялъул къукъаялъул вакил ва жанире тIамуразул шартIазухъ хал-щал гьабулеб ЖамгIияб комиссиялъул хIаракатчIужу.
Андрей Юров ккола – Россиялъул президентасда цебе бугеб инсанасул ихтиярал цIуниялъул комиссиялъул гIахьалчи.