Индиялъул шималияб рахъалда ва Пакистаналда лъимал кIанцIиялъул ва ракьал чIчIукIиялъул хIасилалда хун вуго 300-гIан чи. Гьедин лъазабулеб буго Associated Pressалъ бакIалъул нухмалъиялда мугъчIвайги гьабулаго.
Индиялда лъеца гъанкъун буго 450 росу, гьединго зарал ккун буго жеги 2000-гIан росдал гIадамазе. Пакистаналда биххун буго 4000-гIан рукъ, къотIнова хутун вуго аза-азар чи.