Евроцолъиялъ цIиял санкциял гьаруни, Россиялъ гьел жаваб кьечIого тезе гьечIо. Гьедин лъазабуна шамат къоялда Россиялъул къватIисел ишазул министрелъиялъ жиндирго сайталда. Кинаб жаваб гьеб букIине бугебали мухIкан гьабулеб гьечIо.
Евроцолъиялъул вакилзаби рузман къоялда разилъун рукIана Россиялде данде санкциял дагьалги кьваризаризе Украиналда гьелъ билъанхъизабулеб политикаялъе жаваб хIисабалда. РакIалде кколеб буго гьел санкциял формалияб куцалда итни къоялда къабул гьаризе ругин. Амма Украиналда рекъел чIезабиялъул шартIал цIунун ругони, гьел санкциязул болжал нахъбахъизеги рес бугин лъазабун букIана дипломатаз.