Украиналъул территориялда руго россиялъул армиялъул чанго азарго чиги, нус-нус танкалги, цогидаб рагъулаб техникаги. Гьедин лъазабуна
Reuters агентлъиялъе НАТОялъул офицерас Уэльсалда унеб саммиталъул кулуаразда. Гьесул рагIабазда рекъон, Украиналда россиялъул аскаразда хурхун кинал рукIаниги хиса-басиялги ккун гьечIо. Гьес гьединго абуна россиялъул жеги 20 азарго гIанасев аскарияв вугин Украиналъулгун гIорхъода аскIов чIунин.
Гьелда цебе НАТОялъ лъазабун букIана жидехъ ругин россиялъул аскариязул азаргоялда цIикIкIун чи Украналда вукIиналъул ва гьел гьенир рагъулел рукIиналъул далилин. Россиялъ гьел киналго гIайибал нахъчIвалел руго.