ГIиракъалъул Курдистаналъул хIукуматалъул бетIер Массуд Барзаница лъазабуна, Ираналъ «Исламияб пачалихъ» абураб радикалиял исламистазул гIуцIиялде данде рагъулел курдазул яргъид гIуцIарал къокъабазе ярагъ ва гулла-хер кьунин.
Курдазе ярагъ гьединго чIезабулеб буго Цолъарал Штатаз ва Франциялъ. Гьезие ярагъ кьезе ругел планазул хIакъалъулъ лъазабулеб букIана гьединго Европаялъул цо-цо улкабазги.
Ахирисеб заманалъ Вашингтоналъе бищунго кIудияб хIинкъи бугел чагIи кколин «Исламияб пачалихъалъул» джигьадисталин, лъазабун букIана Цолъарал Штатазул нухмалъиялъул вакилзабаз.