17 июналда Луганскалда аскIобехун Россиялъул журналистал чIваялде гIахьаллъи букIиналъул гIайиб жинде гIунтIизабулей Украиналъул пилот Надежда Савченкол арест халат бахъинабиялъул суал гьоркьоб лъезе буго Воронежалъул диваналъ.
Новоусманский мухъалъул диваналъ хIукму гьабун букIана цIех-рехалъул изоляторалда Савченко 30 августалде щвезегIан чIезайизе.
Пилоталъул адвокат Марк Фейгиница лъазабулеб буго, цIех-рехчагIаз Савченко гIайибияй йикIин чIезабулел яги гьелъ жиндиего бокьун Россиялъул гIорхъи бахиналъул киналгIаги далилал гьанжеги рачинчIин.
Украиналъул пилоталъ жиндего гIунтIизарулел гIайибал нахъ чIвалел руго.