Москваялъул полициялъ ккуна Украиналъе жидерго квербакъи загьирабурав щуго чи. Москваялда бугеб Каменный мост, ай ГанчIил кьоялда гIолоханаз къасд гьабуна Украиналъул анцIго метралъулаб байрахъ эхеде бахинабзе. Полициялъ гьеб акция рикIкIана изну гьечIого тIобитIараб тадбирлъун.
Украиналъ гьатIан къоялъ кIодо гьабулеб буго жиндирго лъидаго бачIеблъиялъул къо.
Радал Киевалда бугеб Крещатик абулеб майданалда тIобитIана рагъулаб парад.
Хадуб парадалда бихьизабураб кинабго рагъулаб техника ана Украиналъул машрикъалъул рахъалде доба сепаратистазулгун халат бахъунеб кьалда гIахьаллъи гьаби мурадалда.