Москваялда ккун руго борхатаб минаялъул тIогьалда бугеб цIва басиялъул щаклъи бугев кIиго гIолохъанчи ва кIиго гIолохъанчIужу. Ккураз гIунтIизабулеб гIайиб нахъ чIвалеб буго, минаялде тIаде парашютгун кIанцIиялъе рахун рукIанин жалин абун.
ИТАР-ТАССалъе полициялда лъазабун буго, гьел цереги чанго нухалъ административияб жавабчилъиялде цIан рукIанин.
Полициялъул лъазабиялда рекъон ккурал кколел руго Александр Погребов, Алексей Широкожухов, Евгения Короткова ва Анна Лепешкина. Гьезда бан рагьун буго вандализмалъул гIайиб гIунтIизабулеб такъсирияб иш.
20 августалъул радал Котелническая къватIалда бугеб борхатаб минаялъул тIогьалда баккун буго Украиналъул байрахъ ва цIваялъул тIасияб рахъ хъахIилаб кьералъ басун батун буго.