Украиналъул парламенталъ къабул гьабун буго Росиялде данде санкциял гьаризе ихтияр кьолеб къанун. Гьелда рекъон, санкциял гьаризе бегьула Украиналда сепаратизмалъул рахъ кколев ва сепаратистал гIарцудалъун хьезарулел Россиялдаса 172 чигун 65 компаниягун идараялде данде.
Санкциял гьаризе ккани, гьезда разилъи кьезе кколеб буго Украиналъул улка цIуниялъул ва миллияб хIинкъигьечIолъи цIуниялъул Шураялъ.
12 августалда къабул гьабун букIараб гьеб къануналъул проекталда гьединго бицен гьабулеб букIана улкаялъул хIинкъигьечIолъи цIуниялъе квал-квал гьабулел информалатазда цензура лъеялъул суалалъулги.
Инсанасул ихтиярал цIунулез абулеб буго гьеб къануналъ информалатазе ва рагIул экрнлъиялъе гъурхъаби лъезе ругин.