Ираналъ лъазабулеб буго жидеца рахъ кколеб бугин ГIиракъалъул премьер-министрасул хъулухъалде ХIайдар аль-ГIабадил кандидатураялъулин. Гьес гьеб хъулухъалда хисизе вуго гьанжесев премьер Нури Малики.
Иран цебе букIана Маликил рахъ кколезул бищунго цебесеб кьарда. Амма гьанже гьез рикIкIунеб буго Маликади тIокаб бажарулеб гьечIин улкаялъул цолъи цIунизейин.
ХIайдар аль-ГIабадил кандидатураялъул рахъ кколеб букIиналъул лъазабун букIана Америкаялъул президент Барак Омабацаги.