Цолъарал Штатазул президент Барак Обамаца КIудияб Британиялъул The Economist абулеб журналалъе интервью кьолаго абуна, Россиялъул президент Владимир Путиница гьарулел ишал гьел ругин дунялалъе цIикIкIараб хIалуцин кьезе бегьулел ишалилан.
Аммаила, тIаде жубана Обамаца дунялалда Россиялъ хIалеб роль кIодо гьабизе кьучI гьечIин.
ГьабсагIат жибго улкаялда жаниб Путинил рейтинг кIудияб бугониги, гьедин халатаб заманалда жаниб букIине гьечIин, щай гурелъул пачалихъалда цере ругел масъалаби тIуразарулел гьечIин Россиялъул тIадтараз.
Масала миграциялъул проблема, соналдаса соналде дагьлъулеб Россиялъул халкъалъул гIумрудул шартIазул ва сахлъи цIуниялъул проблема ва цогидал.