Европаялъул Цолъиялъул вакилзабаз хамиз къоялда Брюсселалда дандбалеб букIана Украиналда Малайзиялъул лайнер бортизабун хадуб Россиялде данде санкциял гIатIид гьариялъул суал.
Араб анкьалда саммиталда европаялъул лидераз цебесеб къотIи гьабун букIана гьез абухъе, Украиналъул суверенитет хвезабиялдехун хурхен бугел,
россиялъул цо-цо гражданазде ва компаниязде данде гьаризе ругел тадбиразда хурхун. Гьенибго абулеб букIана санкциязде гьоркьобе унин банказда бугеб гIагац цIорозабигийин.
22 июлалда Евроцолъиялъул къватIисел ишазул министразул данделъиялда бицен гьабулеб букIана дунялалъул базаразда Россиялъул ресал дагьлъизариялъул, хасго рагъулал технологиязул рахъалъ ва энергетикаялъул секторалда.