Цолъарал Штатаз Россиялде данде лъазарурал циял санкциязда Москваялъ абулеб буго гьеб унго-унгояб шантаж бугин.
Ва гьединал санкцияз Россиялъеги ихтияр кьолеб бугин жавабиял тадбирал лъазаризе. Москваялъул хIисабалда Россия Украиналъул жанисеб конфликталъулъ гIахьаллъулеб улка гурин.
Арбаг къоялъ Америкаялъ лъазарурал санкциязде гъоркье ккун руго цо-цо банкал, жэнергетикаялъул ва рагъулал идараби, Россиялъул пачалихъиял цо-цо хъулухъчагIи ва Украиналда лъазарурал Донецкалъул ва Луганскалъул халкъиял республикабиилан абурал икълимазул хIаракатчагIи.