Молдавиялъул парламенталъ арбагI къоялда кьун руго Европаялъул Цолъигун ассоциация гьабиялъул къотIи-къаялъе ратификация гьабиялъул рахъккун гьаркьал.
Гьеб хIукмуялъул рахъ ккун буго 59 депутатас, ункъгояс данде гьаракь кьун буго. Къануналда рекъон, документ къабул гьабизе ккани гIолеб буго парламенталда вугев 101 депутатасда гьоркьосан 51-ясул гьаракь.
Евроцолъигун гIагарлъиялъул къотIиялда гъоркь гъулбас лъун букIана 27 июналда Брюсселалда букIараб саммиталда Молдавиялъул премьер-министр Юрие Лянкэца.
Гьеб документалъе ратификация гьабиялъе байкот лъазабун букIана оппозициялъул рахъалдаса 38 депутатас. Данделъиязул залалдаса нахъе ун руго коммунисталги «Возрождение» партиялъул чагIиги.