Россиялъул президент Владимир Путиница Магърибалъул улкабазда гьабуна регионалда ахIвал-хIал хIалуцинабизе Украиналъул кризисалдаса пайда босулеб букIиналъул гIайиб. Гьес абуна Россиялъ хадубги цIунизе ругин къватIисел улкабазда ругел гIурус миллаталъул гIадамазул ихтиярал политикиял, экономикиял ва гуманитариял къагIидабиги хIалтIизарунин.
Украиналъул президентас рекъел халат бахъинабичIолъиялда бан Путиница абуна Россиялдаги Европаялдаги кIвечIин «ракълиде нух рагъалдасан гьечIолъи» Петр Порошенкода бичIчIизабизейин.