Авиациялъул квербакъиялдалъун ГIиракъалъул армиялъ кIудияб рагъулаб операция байбихьана «ГIиракъалъул ва Леванталъул Исламияб Пачалихъ» абулеб радикалиял суннитазул гIуцIиялде данде.
Гьаб моцIалъул авалалда гьеб гIуцIиялъул къеркьохъаназ Тикрит шагьар бахъана. Ахирисел къояз Цолъарал Штатазул роржарухъаби гьечIел аэропланал хIалтIизаризе байбихьана Багъдадалда тIад патруллъи гьабулаго.