Украиналда кколеб бугебин абун Россиялда жамгlияб пикруялъе асар гьабулеб буго дунялалъул батlи-батlиял бакlазда батlи-батlияб заманаялда рукlарал лъугьа-бахъиназул сураталги видеоялги рихьизарун.
Россиялъул пропагандаялъул гьерсал- 2
1
"Брестская крепость" (2010 г.) абулеб Россиялъулгун Белоруссиялъул кинофильмалдаса кесек хlалтlизабун буго Донбассалда Украиналъул армиялъул "вахlщилъаби" рихьизаризе далиллъун.
2
"Мир 24" телеканалалъ Фейсбукалда жиндирго гьумералда кьун букlана 1999 соналда Косовоялдаса лъутулел гlадамазул сурат 2014 соналда Украиналдаса лъутулел гlаламазул сурат гlадин. Гьаб сагlат гьеб сурат нахъе рехун буго.
3
Россиялъул актер Иван Охлобыстиница Сан-Францискоялда букlараб гей-парад кьолеб буго Киевалда мэр вищиялдаса халкъалъул роххи гlадин.
4
1992 соналда Босниялда бахъараб сураталда Сербиялъул "Тигразул" рагъухъанас чlвалев вуго хвалед рехарав боснияв. Гьеб сурат кьун буго "Донбасс украиналъул армиялдаса хвасар гьабизе" абун.
5
"Донецкалъул халкъияб республика" космосалде щун буго фотошопалъул кумекалдалъун.
6
Россиялдехун цlайи цlикlкlарал сепаратистаз жиндир вас чlван хадуб Путиниде хитlаб гьабурай чlужугlадан йихьизаюлей йиго "киевалъул хунтаялъул" вахlщилъабазул бицуней гlадан хlисабалда. Гьеб видеоялъул оригинал.
7
Социалиял сайтазда Польшаялде гъорлъе лъугьине бокьараз Тернополалда тlобитlараб митинг гlадин бихьизабулеб буго Варшаваялда 2012 соналъул сентябралда букlараб протесталъул митинг.
8
Мексикаялда наркорагъазул къурбанал рихьизарулел руго украиналъул аскаразул жаназаби хlисабалда.
9
1999 соналда авиакьабияздаса хадуб бахъараб Белградалъул сурат кьолеб буго "украиналъул армиялъ биххизабураб" Славянскалъул сурат гlадин.
10
Чечаналъа сурат кьолеб буго Украиналдаса сурат гlадин.