Европаялда рекъонхIалтIиялда ва хIинкъигьечIолъи цIуниялда сверун идараялъ ай ОБСЕялъ нахъчIвалеб буго цебесеб сордоялъ Луганск икълималда ккун рукIарал жидер тохалчагIазул къукъа нахъе биччан бугин абураб хабар.
Фейсбукалда бугеб гьумералда ОБСЕ-ялъул пресс-хъулухъалъ лъазабулеб буго жидер ункъго хIалтIухъанги Украиналдаса телмачги вугеб гьеб къукъаялъулгун бухьен биланин Луганскалдаса 100 километралъул рикIкIалъуда бугеб Северодонецк шагьаралда аскIоб гьел рекIараб автомашина ярагъ борчарал гIадамаз чIезабун хадубин.
Гьеб къукъа эркен гьабун бугин лъазабун букIана «Интерфаксалъе» Луганскалъул «Халкъияб фронтин» абулеб гIуцIиялъул лидер Алексей Чмиленкоца.
ОБСЕялъ гьединго ракIалде щвезабулеб буго 26 маялда Донецкалда гъоркьехун билараб гьезул тохалчагIазул цоги къукъаги жеги бугеб бакI лъалеб гьечIолъи. Славянскалъул «халкъияб мэрин» абулев Вячеслав Пономаревасул рагIабазда рекъон, гьел рагIула Макеевкалъул изну гьечIого яргъидгIуцIаразухъ.
Фейсбукалда бугеб гьумералда ОБСЕ-ялъул пресс-хъулухъалъ лъазабулеб буго жидер ункъго хIалтIухъанги Украиналдаса телмачги вугеб гьеб къукъаялъулгун бухьен биланин Луганскалдаса 100 километралъул рикIкIалъуда бугеб Северодонецк шагьаралда аскIоб гьел рекIараб автомашина ярагъ борчарал гIадамаз чIезабун хадубин.
Гьеб къукъа эркен гьабун бугин лъазабун букIана «Интерфаксалъе» Луганскалъул «Халкъияб фронтин» абулеб гIуцIиялъул лидер Алексей Чмиленкоца.
ОБСЕялъ гьединго ракIалде щвезабулеб буго 26 маялда Донецкалда гъоркьехун билараб гьезул тохалчагIазул цоги къукъаги жеги бугеб бакI лъалеб гьечIолъи. Славянскалъул «халкъияб мэрин» абулев Вячеслав Пономаревасул рагIабазда рекъон, гьел рагIула Макеевкалъул изну гьечIого яргъидгIуцIаразухъ.