Украина разилъун буго Россиялъе газихъ кьезе кколеб налъул цо къадар бецIизе. Гьедин лъазабуна Россиялъул энергетикаялъул министр Александр Новакица Берлиналда Еврокомиссиялъул гIахьаллъигун рукIарал кIалъа-ралъаяздаса хадуб.
30 маялде Москваялде щвезе кколеб буго 2 миллиард доллар, ва жеги 500 миллион доллар гьенибе щвезе кколеб буго 7 июнь щвелалде. Гьеб кколеб буго ноябралдаса маялде щвезегIан бецIичIеб налъиялъул бутIа. Гьеб гIарац Россиялде щун хадуб байбихьизе руго газил цIияб багьаялда хурхун консультациял.
2014 соналъул апрелалдаса нахъе Россиялъ Украиналъе бичулеб газихъ чIезабун буго цебеялдаса батIияб ва гIемерго хирияб багьа.
Цебеккун гIарац кьечIониги июналдаги Украиналъе газ бичизе разилъун буго «Газпром».
Министр Новакица жеги лъазабуна консультациязда бицине бугин газил багьаялъул гуреб, Киевалъе рукIине бегьулел бигьалъабазулин.
Гьес гьединго абуна Украиналъ газихъ Россиялда цебе бугеб налъи бецIизе кколеб букIиналда Евроцолъиги разилъун бугин.
Гьебго заманаялда Украиналъул энергетикаялъул министр Юрий Проданица абуна Берлиналда кинал рукIаниги мухIканал къотIиял гьаричIин ва Россиялдаса босулеб газихъ цебегогIадин азарго кубометралъухъ 268 доллар кьезе Киев разиябги бугин.
Гьес гьединго абуна Россиялда тIасан Стокгольмалда бугеб арбитражияб диваналде гIарза хъвазе ракIалда бугин Киевалда 28 маялдайинги.
Евроцолъиялъул энергетикаялда сверун комиссиялъул бетIер Гюнтер Эттингерица абуни лъазабулеб буго Берлиналда кIудияб прогресс кканин ва Россиягун Украиналъул лъикIал ресал ракканин 1 июнь щвелалде жидеда сверун дагIба бугеб суалал рагIалде рахъинаризейин.
30 маялде Москваялде щвезе кколеб буго 2 миллиард доллар, ва жеги 500 миллион доллар гьенибе щвезе кколеб буго 7 июнь щвелалде. Гьеб кколеб буго ноябралдаса маялде щвезегIан бецIичIеб налъиялъул бутIа. Гьеб гIарац Россиялде щун хадуб байбихьизе руго газил цIияб багьаялда хурхун консультациял.
2014 соналъул апрелалдаса нахъе Россиялъ Украиналъе бичулеб газихъ чIезабун буго цебеялдаса батIияб ва гIемерго хирияб багьа.
Цебеккун гIарац кьечIониги июналдаги Украиналъе газ бичизе разилъун буго «Газпром».
Министр Новакица жеги лъазабуна консультациязда бицине бугин газил багьаялъул гуреб, Киевалъе рукIине бегьулел бигьалъабазулин.
Гьес гьединго абуна Украиналъ газихъ Россиялда цебе бугеб налъи бецIизе кколеб букIиналда Евроцолъиги разилъун бугин.
Гьебго заманаялда Украиналъул энергетикаялъул министр Юрий Проданица абуна Берлиналда кинал рукIаниги мухIканал къотIиял гьаричIин ва Россиялдаса босулеб газихъ цебегогIадин азарго кубометралъухъ 268 доллар кьезе Киев разиябги бугин.
Гьес гьединго абуна Россиялда тIасан Стокгольмалда бугеб арбитражияб диваналде гIарза хъвазе ракIалда бугин Киевалда 28 маялдайинги.
Евроцолъиялъул энергетикаялда сверун комиссиялъул бетIер Гюнтер Эттингерица абуни лъазабулеб буго Берлиналда кIудияб прогресс кканин ва Россиягун Украиналъул лъикIал ресал ракканин 1 июнь щвелалде жидеда сверун дагIба бугеб суалал рагIалде рахъинаризейин.