Одессаялда кьал

Одессаялъул азарханаялда шамат къоялъул радал гIумруялдаса ватIалъана Украиналъул регионазул партиялъул рахъалъан икълималъул шураялъул депутат Вячеслав Маркин.

Рузман къоялъ гьев захIматго лъукъун вукIана сепаратистазда ва Украиналъул рахъ ккуразда гьоркьоб багъарараб кьалда.

Жанисел ишазул министерлъиялъул Одесса икълималъул идараялъул бетIерасул баяналда рекъон низам биххиялъул хIасилалда гIаммаб къадаралда 2 маялда 40-гIанасев чи чIван вуго, 170-ялдаса цIикIкIарав чи лъукъана.

Гьездаса 25 чи захIматаб хIалалда азарханаялда вегизавун вуго.