Культураялъул соналдаса культурияб жамгIияталде
22 апрелалда МахIачхъалаялда байбихьана культуриябгун инвестициялъулаб форум. ТIаде рачIарал гьалбал гьенире рачиналде, цин миллияб ретIелги ретIун гьезда церерахъана Дагъистаналъул халкъазул вакилзаби. Гьез ахIана кучIдул, бихьизабуна цIулада тIад гIарац-меседалъул устарзабаз ишан кин кьабулебали. Бихьизабуна тIансаби рессизе, угьаризе бугеб махщелги. Гьелдаса хадуб рагьана цIи гьабун къачIараб «Дагъистан» абураб этнобутик. Гьенир ричулел ругоан умумузул къагIидаялда гьабураб къайи-цIа, Дагъистаналъул халкъазул миллияб ретIа-къай бихьизабулел ясикIаби, халичаби. Гьеб тукада хьолбохъ лъун рукIана дагъистанияз квераца рахъарал сураталги.