Дагъистаналъул батIи-батIиял жамгIиял идарабазул вакилзабазда 19 ва 20 апрелалда МахIачхъалаялда тIолгодагъистаналъул халкъалъул съезд тIобитIизе ракIалда букIана. Амма къуваталъул идарабазул вакилзабаз гьеб дандеруссин гьабизе течIила жидеейилан лъазабуна гьеб гIуцIараз.
Расулов Руслан: «МахIачхъалаялъул «Россия» кинотеатралъул нухмалъиялъулгун къотIи-гьабун букIана дица кIиго къоялъ гьеб зал кквезе. Гьелъухъ кколеб гIарацги кьун букIана, амма нолъ къаси ахIун бачIана гьезул вакилас, къуваталъул идарабазул тIадегIанал хъулухъазда ругел хIалтIухъанас, жидеде тIадецуй гьабулеб бугила, кинотеатралда гьеб съезд тIобитIизе тогейиланги абун.
Гьелдаса хадуб МахIачхъалаяда бугеб «Пирамида» кинотеатралъул нухмалъиялъулгун къотIи гьабизе хIал бихьана дица, амма гьезги абуна жидеда лъазабун бугила нуж гьанире къазе риччагейилан. Гьедин букIаниги шамат къоялъул радал 10ялдехун «Россиялда» цере гIадамал данделъизе байбихьана. Съездалъул гIахьалчагIазул 30 процентгIан чи вачIун хадуб гьерине щвана полициялъулалги. Ниж нахъе гъезе лъугьана гьел, щибго жоги бичIчIизабичIого кинотеатралда жаниса гIадамал къватIире къотIана гьез. Щай гьедин гьабулеб бугеб, сунда рекъон гьез гьел ишал гьарулел ругелалиги гIадамасги бичIчIизабичIо, тIасан буюрухъ бугила гьеб съезд тIобитIизе тогейилан абурабилан лъазабиялда лъугIана гьезул бичIчIикьей».
Гьеб съездгIуцIараз бицана полициялъулгун кьалде инчIого данделъараздаги нуж мухъ-мухъалъ айин лъазабун жидерго хIалтIулеб бакIалде анила. Гьениб журналистазе пресс-конференция кьезе ракIалда букIанила жидеда, амма гьениреги рачIун полициялъулаз жидер тадбир нухда билълъине течIилан. Гьеб мехалда жанисел ишазул министрелъиялъул дежурныясухъеги ахIун жидеца лъазабунила хIалтIулеб бакIалда берцинго данделъизе толел гьечIин жалилан, гьеб къанун хвезаби бугилан. Гьенире кIалъанхадур полициялъулаз жал къватIире гъечIила, амма тIаде рачIарал журналисталги риччачIила пресс-конференциялдейилан бицана гьеб съезд ахIараз.
Кин бугониги съезд гIуцIаразда нахъе къазе ракIалда гьечIо лъазабулеб буго жидеца республика тун къватIи тIобитIунги гьеб данделъи гьабичIого толарилан.
Расулов Руслан: «Нижеда бичIчIана Дагъистаналда рагIуе эркенлъи кьолеб гьечIолъи, гьаниб съезд тIобитIизеги нижее рес кьолареблъи. Гьединлъидал гьаб гIагараб заманалда Дагъистан тун къватIиб гьабизе буго нилъер халкъалъул съезд. Гьенир рорхизе рукIарал суалазде тIадеги гьаниб эркенаб пикруги, рагIиги бегьунгутIиялъулги бицине буго гьеб съездалда. Жакъа гьаб полициялъги тIалъиялъги гьабулеб жо демократияб пачалихъалда букIине бегьулеб жо гуро. Гьеб буго гIадамасул ихтиярал хвезари, гьелда хурхун гIарзал хъвазе руго нижеца Россиялъул президентасухъеги, Россиялъул Федералияб Шураялдеги, Генералияб прокуратураялдеги. Дагъистаналъул прокуратураялде хъвай гьеб гIададисеб иш буго, гьеб буго такъсирияб тIалъигун цолъараб идара»
400 ялдаса цIикIкIун чияс гIахьаллъи гьабизе ракIалда букIараб гьеб съездалда рорхизе рукIарал суалазул бищун аслияллъун рук1анин Дагъистаналда лъугьун бугеб захIматаб жамгIиябгун-сиясатияб ахIвал-хIалалда хурхун, ва Дагъистаналъул халкъал чачаналъе гочинариялда хурхарал суалалгийилан бицана съезд г1уц1араз. Исана гьел гочинаруралдаса нахъе 70 сон ун бугила, амма гьел гIадамазул суалал жеги тIуран гьечIила, гьезие я ракь яги жанир руссине бакIал букIине кколеб хIалалъ чIезарун гьечIин пачалихъалъилан абулеб буго гьеб дандеруссиналъул г1ахьалчаг1аз.
Гьеб съезд щайин тIобитIизе течIебилан цIехезе «Эркенлъи» радиоялъ чанцIул ахIаниги Дагъистаналъул жанисел идарабазул пресс-хъулухъалъ жаваб кьечIо. Россиялъул къанунулда рекъон съездал тIоритIи гьукъун гьечIила, гьеб я митинг яги цойги сунда бугониги дандечIараб акция гурелъулила, гьеб гIуцIиялъе тIалъиялъул разилъи къваригIунарилан бицана «Эркенлъи» радиоялъе юрист Рустам ГIалиевасги.
Дагъистаналъул тарихалда жаниб гьаб съезд ункъабилеблъун лъугьине кколаан. Ахираб ункъго соналда жаниб лъабабилеб нухалда тIобитIизехъин букIана гьеб.
Расулов Руслан: «МахIачхъалаялъул «Россия» кинотеатралъул нухмалъиялъулгун къотIи-гьабун букIана дица кIиго къоялъ гьеб зал кквезе. Гьелъухъ кколеб гIарацги кьун букIана, амма нолъ къаси ахIун бачIана гьезул вакилас, къуваталъул идарабазул тIадегIанал хъулухъазда ругел хIалтIухъанас, жидеде тIадецуй гьабулеб бугила, кинотеатралда гьеб съезд тIобитIизе тогейиланги абун.
Гьелдаса хадуб МахIачхъалаяда бугеб «Пирамида» кинотеатралъул нухмалъиялъулгун къотIи гьабизе хIал бихьана дица, амма гьезги абуна жидеда лъазабун бугила нуж гьанире къазе риччагейилан. Гьедин букIаниги шамат къоялъул радал 10ялдехун «Россиялда» цере гIадамал данделъизе байбихьана. Съездалъул гIахьалчагIазул 30 процентгIан чи вачIун хадуб гьерине щвана полициялъулалги. Ниж нахъе гъезе лъугьана гьел, щибго жоги бичIчIизабичIого кинотеатралда жаниса гIадамал къватIире къотIана гьез. Щай гьедин гьабулеб бугеб, сунда рекъон гьез гьел ишал гьарулел ругелалиги гIадамасги бичIчIизабичIо, тIасан буюрухъ бугила гьеб съезд тIобитIизе тогейилан абурабилан лъазабиялда лъугIана гьезул бичIчIикьей».
Гьеб съездгIуцIараз бицана полициялъулгун кьалде инчIого данделъараздаги нуж мухъ-мухъалъ айин лъазабун жидерго хIалтIулеб бакIалде анила. Гьениб журналистазе пресс-конференция кьезе ракIалда букIанила жидеда, амма гьениреги рачIун полициялъулаз жидер тадбир нухда билълъине течIилан. Гьеб мехалда жанисел ишазул министрелъиялъул дежурныясухъеги ахIун жидеца лъазабунила хIалтIулеб бакIалда берцинго данделъизе толел гьечIин жалилан, гьеб къанун хвезаби бугилан. Гьенире кIалъанхадур полициялъулаз жал къватIире гъечIила, амма тIаде рачIарал журналисталги риччачIила пресс-конференциялдейилан бицана гьеб съезд ахIараз.
Кин бугониги съезд гIуцIаразда нахъе къазе ракIалда гьечIо лъазабулеб буго жидеца республика тун къватIи тIобитIунги гьеб данделъи гьабичIого толарилан.
Расулов Руслан: «Нижеда бичIчIана Дагъистаналда рагIуе эркенлъи кьолеб гьечIолъи, гьаниб съезд тIобитIизеги нижее рес кьолареблъи. Гьединлъидал гьаб гIагараб заманалда Дагъистан тун къватIиб гьабизе буго нилъер халкъалъул съезд. Гьенир рорхизе рукIарал суалазде тIадеги гьаниб эркенаб пикруги, рагIиги бегьунгутIиялъулги бицине буго гьеб съездалда. Жакъа гьаб полициялъги тIалъиялъги гьабулеб жо демократияб пачалихъалда букIине бегьулеб жо гуро. Гьеб буго гIадамасул ихтиярал хвезари, гьелда хурхун гIарзал хъвазе руго нижеца Россиялъул президентасухъеги, Россиялъул Федералияб Шураялдеги, Генералияб прокуратураялдеги. Дагъистаналъул прокуратураялде хъвай гьеб гIададисеб иш буго, гьеб буго такъсирияб тIалъигун цолъараб идара»
400 ялдаса цIикIкIун чияс гIахьаллъи гьабизе ракIалда букIараб гьеб съездалда рорхизе рукIарал суалазул бищун аслияллъун рук1анин Дагъистаналда лъугьун бугеб захIматаб жамгIиябгун-сиясатияб ахIвал-хIалалда хурхун, ва Дагъистаналъул халкъал чачаналъе гочинариялда хурхарал суалалгийилан бицана съезд г1уц1араз. Исана гьел гочинаруралдаса нахъе 70 сон ун бугила, амма гьел гIадамазул суалал жеги тIуран гьечIила, гьезие я ракь яги жанир руссине бакIал букIине кколеб хIалалъ чIезарун гьечIин пачалихъалъилан абулеб буго гьеб дандеруссиналъул г1ахьалчаг1аз.
Гьеб съезд щайин тIобитIизе течIебилан цIехезе «Эркенлъи» радиоялъ чанцIул ахIаниги Дагъистаналъул жанисел идарабазул пресс-хъулухъалъ жаваб кьечIо. Россиялъул къанунулда рекъон съездал тIоритIи гьукъун гьечIила, гьеб я митинг яги цойги сунда бугониги дандечIараб акция гурелъулила, гьеб гIуцIиялъе тIалъиялъул разилъи къваригIунарилан бицана «Эркенлъи» радиоялъе юрист Рустам ГIалиевасги.
Дагъистаналъул тарихалда жаниб гьаб съезд ункъабилеблъун лъугьине кколаан. Ахираб ункъго соналда жаниб лъабабилеб нухалда тIобитIизехъин букIана гьеб.
