Донецкалъул ракьалъул Славянск шагьаралда бакIалъул милициялъул мина кверде босарал яргъидгIуцIарал гIадамалгун кIалъа-ралъаял гьарулел руго шагьаралъул милициялъул нухмалъулес. Гьедин лъазабуна журналисталгун букIараб данделъиялда Украиналъул жанисел ишазул министр хисулев Владимир Евдокимовас.
Гьебго заманаялда Донецкалда мухъалъул администрациялъул минаялда цебе халат бахъунеб бугеб митингалда лъазабун буго Славянск шагьаралда кверде росун ругин шагьаралъул Шураялъул, ХIинкъигьечIолъи цIуниялъул идараялъул ва мухъалъул милициялъул бутIаялъул минабийин. Гьединаб баян кьолеб буго РИА Новостиялъ.
Рузман къоялдаса шамат къоялде сардилъ Донецкалда хIалбихьун букIун буго областалъул прокуратураялъул мина кверде босизеги.
Ахирал анкьазда ва къоязда Украиналъул машрикъалъул шагьаразда унел руго Киевалда бугеб заманаялъул нухмалъиялъул рахъ ккуразул ва гьезде данде ругезул акциял. Гьел гьенире рачIана февралалъул ахиралда Украиналъул вукIарав президент Виктор Янукович лъутун хадуб.
Гьебго заманаялда Донецкалда мухъалъул администрациялъул минаялда цебе халат бахъунеб бугеб митингалда лъазабун буго Славянск шагьаралда кверде росун ругин шагьаралъул Шураялъул, ХIинкъигьечIолъи цIуниялъул идараялъул ва мухъалъул милициялъул бутIаялъул минабийин. Гьединаб баян кьолеб буго РИА Новостиялъ.
Рузман къоялдаса шамат къоялде сардилъ Донецкалда хIалбихьун букIун буго областалъул прокуратураялъул мина кверде босизеги.
Ахирал анкьазда ва къоязда Украиналъул машрикъалъул шагьаразда унел руго Киевалда бугеб заманаялъул нухмалъиялъул рахъ ккуразул ва гьезде данде ругезул акциял. Гьел гьенире рачIана февралалъул ахиралда Украиналъул вукIарав президент Виктор Янукович лъутун хадуб.