Пакистаналда маххул нухда кьвагьи бахъана

Пакистаналъул Белужистан абулеб вилаяталъул Сибби шагьаралда маххул нухда бахъараб кьвагьиялъул хIасилалда вагоназда вукIарав анцIила кIигогIан чи чIван ва 35 чи лъукъун вуго.

Гьеб теракталъул жавабчилъи тIад жеги лъицаниги босичIо.

Итни къоялъ Пакистаналъул тIадтараз лъазабун букIана Белужистаналда тIобитIараб хасаб операциялъул хIасилалда анцIго къеркьохъан сепаратист чIван вугин абун.