Visa ва MasterCard "Россия" банкалъе хъулухъ гьабулеб гьечIо

Visa ва MasterCard абулел халкъаздагьоркьосел гIарцул системабаз «Россия» абулеб банкалъул клиентазе гьабулеб хъулухъ чIезабуна цебеккунго лъазабичIого.

Гьеб банкалде данде хамиз къоялъ Америкалъул тIадтараз санкцияби лъазаруна. Амма жибго банкалъул тIалъиялъ абулеб буго жидеца кинабгIаги гIурхъи тIамун гьечIин ва кIванагIан кIудияб хIаракат бахъилин проблема тIагIинабизелъун.