Украиналъул Жанисел ишазул министр Арсен Аваковас Крымалда лъугьа-бахъунелда абулеб буго гьеб бугин яргъид-гIуцIараб тIаде-кIанцIиилан. Ва гьеб ккола унго-унгояб провокация би гIодобе тIезаби мурадалда гьабулеб.
Фейсбукалда бугеб жиндирго интернет-гьумералда Аваковас баян гьабулеб буго Россиялъул ЧIегIер-ралъдал флоталъул къукъаби Бельбек абулеб аэропорт сверун ккун бугин. Аэропорталъул минаялда жанир ругин Украиналъул гIурхъи цIунулел ва аскариял.
Аэропорталъул хIалтIи чIезабун бугин. КIаъа-басаяздаса гьел гIадамаp инкар гьабулеб бугин, жидее гьадинаб бюри кьун гьечIин абулаго.
Жиндир иргаялда ЧIегIер-ралъдал флоталъул пресс-хъулухъалъул лъазабулеб буго Россиялъул аскариязул кинабгIаги хурхен гьечIин Бельбек абулеб аэропорталда ккараб хIужаялде.
Фейсбукалда бугеб жиндирго интернет-гьумералда Аваковас баян гьабулеб буго Россиялъул ЧIегIер-ралъдал флоталъул къукъаби Бельбек абулеб аэропорт сверун ккун бугин. Аэропорталъул минаялда жанир ругин Украиналъул гIурхъи цIунулел ва аскариял.
Аэропорталъул хIалтIи чIезабун бугин. КIаъа-басаяздаса гьел гIадамаp инкар гьабулеб бугин, жидее гьадинаб бюри кьун гьечIин абулаго.
Жиндир иргаялда ЧIегIер-ралъдал флоталъул пресс-хъулухъалъул лъазабулеб буго Россиялъул аскариязул кинабгIаги хурхен гьечIин Бельбек абулеб аэропорталда ккараб хIужаялде.