Украиналъул президентасда ракIалда гьечIо хъулухъалдаса нахъе ине

Украиналъул президент Виктор Януковичида ракIалда гьечIин хъулухъалдаса нахъе лъугьинеян лъазабун буго УНИАН абураб информагентлъиялъ.

Гьединабго лъазаби гьабун рагIула президентасул кумекчIужу, Регионазул партиялъул депутат Анна Германица. Гьелъул рагIабазда, интернеталда лъезесеб президент Януковичил хитIабалда абулеб рагIула, лъагьа-бахъунеб кколин къанунияб нухмалъи тIасса рехизе гьабулеб хIалбихьиян.

Гьелда цебе лъазабулеб букIана Украиналъул ТIадегIанаб Радаялъул депутатал ралагьун чIун ругин Виктор Янукович президентасул хъулухъалдаса нахъе унев вукIиналда хурхараб къагIаталъухъин.