Талат къоялда Сочиялъул порталъул мухъалда ккун рукIарал Надежда Толоконниковаги Мария Алехинаги киналгIаги гIайибал гIунтIизаричIого риччан руго полициялдаса нахъе.
Цебе лъазабулеб букIана Сочиялде рачIарал жамгIил активистал ккунин петерал цогь гьабиялъе гIолойин абун.
Толоконниковалъ лъазабун буго жалгун цадахъ полициялде щвезарурал щугоял руханин адвокат гьечIого нугIлъи гьабизе инкар гьабиялъе гIолойин.
Жийго Толоконниковалъул черхалдаги руго гIисинал ругънал ва рекизарун руго цIороберал. Юхун йиго Эркенлъи радиоялъул журналист Анастасия Кириленкоги. Бекизабун буго лъугьабахъунеб бахъараб камераги.
2013 соналъул декабралда Pussy Riot музыкалияб группаялъул кIияйго кочIохъаналъе амнистия лъазабун, эркен гьарун рукIана. Гьез лъазабун букIана кIвар кьезе бугин туснахъазул ихтиярал хвезарулел рукIиналде ва гIахьаллъана демократия цIуниялда хурхарал Россиялда ва кIватIисел пачалихъалда тIоритIарал тадбиразда.
Цебе лъазабулеб букIана Сочиялде рачIарал жамгIил активистал ккунин петерал цогь гьабиялъе гIолойин абун.
Толоконниковалъ лъазабун буго жалгун цадахъ полициялде щвезарурал щугоял руханин адвокат гьечIого нугIлъи гьабизе инкар гьабиялъе гIолойин.
Жийго Толоконниковалъул черхалдаги руго гIисинал ругънал ва рекизарун руго цIороберал. Юхун йиго Эркенлъи радиоялъул журналист Анастасия Кириленкоги. Бекизабун буго лъугьабахъунеб бахъараб камераги.
2013 соналъул декабралда Pussy Riot музыкалияб группаялъул кIияйго кочIохъаналъе амнистия лъазабун, эркен гьарун рукIана. Гьез лъазабун букIана кIвар кьезе бугин туснахъазул ихтиярал хвезарулел рукIиналде ва гIахьаллъана демократия цIуниялда хурхарал Россиялда ва кIватIисел пачалихъалда тIоритIарал тадбиразда.