Брюсселалда байбихьана Украиналъул суал гьоркьоб лъураб данделъи

Европаялъул Цолъиялъул къватIисел ишазул министраз Брюсселалда байбихьана Украиналда лъугьун бугеб ахIвал-хIал дандбазе.
Евроцолъиялъул нухмалъиялда ругел чагIазухъан нижер радиоялъухъе щварал баяназда рекъон, Евроцолъиялда ракIалда гьечIо Украиналъул оппозициялъ хIукуматалде данде гьарулел акциячагIазда хадуб халкквей чIезабураллъун рикIкIунел улкаялъул хъулухъчагIазде данде санкциял гьаризе.
Евроцолъиялъ рикIкIунеб буго жидер улкабазде рачIине гьукъиялъ ва банказда бугеб гIарац цIорозаби гIадинал санкцияз Украиналъул тIалъиялда ва оппозициялда гьоркьоб диалог захIмалъизабизе рес бугин.