Гуржиязул туснахъаз ракъи лъазабуна

Гуржистаналъул Кутаиси шагьаралда аскIоб бугеб туснахъалда жанир ругез рузман къоялъ ракъи лъазабуна.

Гьел разиял гьечIо туснахърукъор ругел шартIаздаса ва жидеда бугеб гурхIел гьечIеб бербалагьиялдаса.

Туснахъалъул минаялда цере ракIкIарарал жанир ругезул гIагараз тIалаб гьабулеб буго администрациялъул вакилзабигун дандчIвай.

Гуржистаналъул тамихIал тIуразариялъул рахъалъан министр Созар Субарица абулеб буго, гьеб бугин криминалиял авторитетаз цебеккунго ургъун гIуцIараб акция.