Россиялъул нухмалъиялъ квал-квал гьабулеб букIиналъ ва репрессиязул шартIазда цо-цо журналистаз жидеего цензура гьабулеб букIиналъ Сочиялъул Олимпиадаялда хурхарал проблемаби хIутIун руго загьир гьаричIого. Гьедин рикIкIунеб буго Журналистал цIуниялъул комитеталъ.
Гьеб гIуцIиялъул докладалъул автораз бицунеб буго бакIалъулал ва къватIисел улкабазул журналистал хIинкъизариялъул хIакъалъулъ, Олимпиадаялде хIадурлъулеб мехалда актуалиял проблемазул бициналъе захIмалъиял раккизариялъул. Бицен гьабулеб буго къватIисел пачалихъаздаса мигрантазул эксплуатациялъул, табигIаталъе зарал ккезабиялъул, хIал гьабун жидерго рукъусанхъизанал нахъе къотIиялъул ва ЛГБТ-жамгIияталъул вакильзабазул дискриминация гьабиялъул.
Докладалда кIвар буссинабулеб буго россиялъул пачалихъиял информалатаз гьел темаби гIадахъ росичIого толел рукIиналде, гьез инсанасул ихтиярал хвезариялъул къурбаназул ва гражданиял активистал цIунулезул къадру хвезабиялда хурхараб пропагандаялъул хIалтIи гьабулеб букIиналде.
Журналистал цIуниялъул комитет ккола халкъазда гьоркьосеб хIукуматалъул гуреб гIуцIи. Гьелъул штаб-квартира буго Нью Йоркалда. Гьелъ бакIарула тIолабго дунялалда журналистал чIваялъул ва гьезие репрессиял гьариялъул информация.
Комитеталъул доклад бахъун буго талат къоялда гIуцIиялъул сайталда. Гьелдаго цадахъ Комитеталъ бахъун буго журналистазул хIинкъигьечIолъи цIуниялъул къагIидабазул материалги.
Гьеб гIуцIиялъул докладалъул автораз бицунеб буго бакIалъулал ва къватIисел улкабазул журналистал хIинкъизариялъул хIакъалъулъ, Олимпиадаялде хIадурлъулеб мехалда актуалиял проблемазул бициналъе захIмалъиял раккизариялъул. Бицен гьабулеб буго къватIисел пачалихъаздаса мигрантазул эксплуатациялъул, табигIаталъе зарал ккезабиялъул, хIал гьабун жидерго рукъусанхъизанал нахъе къотIиялъул ва ЛГБТ-жамгIияталъул вакильзабазул дискриминация гьабиялъул.
Докладалда кIвар буссинабулеб буго россиялъул пачалихъиял информалатаз гьел темаби гIадахъ росичIого толел рукIиналде, гьез инсанасул ихтиярал хвезариялъул къурбаназул ва гражданиял активистал цIунулезул къадру хвезабиялда хурхараб пропагандаялъул хIалтIи гьабулеб букIиналде.
Журналистал цIуниялъул комитет ккола халкъазда гьоркьосеб хIукуматалъул гуреб гIуцIи. Гьелъул штаб-квартира буго Нью Йоркалда. Гьелъ бакIарула тIолабго дунялалда журналистал чIваялъул ва гьезие репрессиял гьариялъул информация.
Комитеталъул доклад бахъун буго талат къоялда гIуцIиялъул сайталда. Гьелдаго цадахъ Комитеталъ бахъун буго журналистазул хIинкъигьечIолъи цIуниялъул къагIидабазул материалги.