Йеменалда чIван вуго Ираналъул дипломат

"Аль-Жазира" телеканалалъул баяналда рекъон Йеменалъул тахшагьар Санаялда щалали лъаларез кьвагьдей гьабуна Ираналъул илчиясул автомобилалде.

Ираналъул илчи автомобилалда вукIинчIо, амма захIматго лъукъана жанив вукIарав дипломат, гьев азарханаялде швезавун вукIана ва дова гIумруялдаса ватIалъана.

Гьесул цIар рехсон гьечIо.

ТIаде кIанцIарал лъутана. Гьеб гьужумалъул жавабчилъи тIад жеги лъицаниги босичIо.