Нави Пиллэй: Сириялда рагъулаб такъсирчилъи бихьула

Цолъарал Миллатазул гIуцIияллда цебе бугеб инс анасул ихтиярал цIунулеб идараялъул бетIер Нави Пиллэйица лъазабуна Сириялда Башар Асадиде данде рагъ бачунел къукъабаз гьабулеб чIвадари – рагъулаб такъсирчилъилъун кколин.

Загьирабураб хитIабалда абун буго исана сон байбихьаралдаса Сириялда гIемерал гражданиял ва рагъулал хъулухъчагIи чIван ругин.

Ва гьел киналго чIванин Аль КъагIидагун бухьенал ругел къукъабазул вакилзабаз. ТIоцебесеб иргаялда рехсолеб буго ГIиракъалда ва Леванталда Исламияб пачалихъ абулеб гIуцIи.

ЧIваразул мухIканаб къадар рехсолеб гьечIо.