7 январалда тIобитIана православиял християназул байрам

Талат къоялда православиял христяназул гIемерисез кIодо гьабуна ГIиса авараг гьавиялъул къо. Россиялда кисса-кирего тIоритIана байрамалъул тадбирал.

ГIурусазул православияб ГьатIаналъул бетIер, патриарх Кириллица баркана халкъалда динияб байрам ва гьабуна халатаб хитIаб. Гьес гIадамал ахIана ракI бацIалъиялде, ракълиде ва халкъазда гьоркьоб гьуинлъи цIуниялде.