Хасалил Олимпиял хIаял байбихьилелде дурусго моцI хутIараб къоялдаса, ай 7 январалдаса байбихьун Сочиялда лъазабун буго хIинкъигьечIолъиялъул рахъалдаса хасаб режим.
Россиялъул президентасул буюриялда рекъон, регионалда лъазарун руго киданиги рукIинчIел тадбирал. Мисалалъе, рагьун буго гьукъиялъул зона. Гьенибе нух къараб буго хIалтIул яги хъулухъалъул къварагIел гьечIони. Гьелъул гIорхъаби унел руго Гъарачайгун Черкессиялдаса байбихьун Абахазиялде щвезегIан.
Жибго Сочиялде къватIисан автомобилазе рачIине гьукъараб буго. Гьенибе бакIалъулаб трансопрталъе гуребги нух рагьараб буго гьединго экстрениял хъулухъазул ва хасаб аккредитация щвараб транспорталъе. Режим хвезабизе хIалбихьаразе бихьизабун буго лъабазарго гъурщил гIакIа. Гьеб гуребги рагьун руго хасал зонабиги. Гьенире ине гьукъараб буго полициялъ хал гьабичIого ва чIухь бачIого.
Талат къоялдаса байбихьун 30 азаргоялдаса цIикIкIун низам цIунулез ва Жанисел ишазул министерлъиялъул рагъулаз хъулухъ гьабулеб буго хIинкъигьечIолъиялъул даража цIикIкIинабураб режималда.
Араб соналъул риидал экстремистазул лидерлъун рикIкIунев Докку ГIумаровас хIинкъаби кьун рукIана Сочиялъул Олимпиада тIобитIиялъе квал-квал гьабизе букIиналъул.
Цо-цо экспертаз Волгоградалда гьарурал терактал хурхинарулел руго хасалил Олимпиадаялда. Цолъарал Штатаз лъазабуна жал хIадурал ругин Олимпиадаялда хIинкъигьечIолъи цIуниялъул рахълдаса Россиялъе квербакъи гьабиязеян.
Россиялъул президентасул буюриялда рекъон, регионалда лъазарун руго киданиги рукIинчIел тадбирал. Мисалалъе, рагьун буго гьукъиялъул зона. Гьенибе нух къараб буго хIалтIул яги хъулухъалъул къварагIел гьечIони. Гьелъул гIорхъаби унел руго Гъарачайгун Черкессиялдаса байбихьун Абахазиялде щвезегIан.
Жибго Сочиялде къватIисан автомобилазе рачIине гьукъараб буго. Гьенибе бакIалъулаб трансопрталъе гуребги нух рагьараб буго гьединго экстрениял хъулухъазул ва хасаб аккредитация щвараб транспорталъе. Режим хвезабизе хIалбихьаразе бихьизабун буго лъабазарго гъурщил гIакIа. Гьеб гуребги рагьун руго хасал зонабиги. Гьенире ине гьукъараб буго полициялъ хал гьабичIого ва чIухь бачIого.
Талат къоялдаса байбихьун 30 азаргоялдаса цIикIкIун низам цIунулез ва Жанисел ишазул министерлъиялъул рагъулаз хъулухъ гьабулеб буго хIинкъигьечIолъиялъул даража цIикIкIинабураб режималда.
Араб соналъул риидал экстремистазул лидерлъун рикIкIунев Докку ГIумаровас хIинкъаби кьун рукIана Сочиялъул Олимпиада тIобитIиялъе квал-квал гьабизе букIиналъул.
Цо-цо экспертаз Волгоградалда гьарурал терактал хурхинарулел руго хасалил Олимпиадаялда. Цолъарал Штатаз лъазабуна жал хIадурал ругин Олимпиадаялда хIинкъигьечIолъи цIуниялъул рахълдаса Россиялъе квербакъи гьабиязеян.