Дагъистаналъул Хасавюрт шагьаралда рагIалде бахъун буго хасаб операция. ЧIван руго гIемертIалаязул минаялъуб цо рокъов вукIарав изну гьечIого яргъидгIуцIаразул къукъаялда вукIиналъул щаклъи бугев чиги гьесул лъадиги. Лъазабулеб буго гьезул гьитIинаб лъимер гьениса къватIибе бичIчIан бугин халат рахъарал кIалъа-ралъаяздаса хадуб абун. Жалго абуни гьел къватIире рачIун гьечIо. Дагъистаналъул изну гьечIого яргъидгIуцIаразул рахъ кколеб цо сайталъул баяназда рекъон, чIварай гIаданалда цIар рагIула Идигова ГIайша.