«Ниж Евроцолъиялда рукIине руго, мунгун рукIаниги рукIинчIониги»,-гьединаб лъазаби гьабун буго Украиналъул активистаз президент Виктор Януковичасде гьабураб цIияб соналъул хитIабалда. Гьелъул видео бахъулаго гIахьаллъи гьабун буго Украиналъул батIи-батIиял регионазул ва социалиял гъатазул 50 вакилас.
АрбагI къоялъул радал Киевалъул аслияб майданалда ракIараразда цеве кIалъалаго «УДАР» абулеб партиялъул лидер Виталий Кличкоца загьир гьабуна цIияб 2014 соналда улкаялда нухмалъи хисизе букIиналда жиндирго ракIчIей. Гьес ахIулел рукIана президентасул рищиязда оппозициялъул рахъалдасан цо кандидат вихьизавизе. Гьеб майданалда ЦIияб соналъе дандчIвай Пачалихъияб гимнги ахIулаго гьабуна бащдаб миллион гIанасев чияс. Оппозициялъул ва «евромайданалъул» рахъ кколез тIалаб гьабулеб буго Евроцолъигун гIагарлъизе.
Гьеб идарагун ассоциациялъулаб къотIи хъвай нахъе бахъараб Украиналъул тIалъиялъ хьул гьабулеб буго Россиялдаса бачIине рагIи кьураб финансазул кумекалда. 2014 соналъул 1 январалдаса нахъе Россиялъ Украиналъе бичулеб газил багьа лъабго нухалда дагь гьабун буго.
АрбагI къоялъул радал Киевалъул аслияб майданалда ракIараразда цеве кIалъалаго «УДАР» абулеб партиялъул лидер Виталий Кличкоца загьир гьабуна цIияб 2014 соналда улкаялда нухмалъи хисизе букIиналда жиндирго ракIчIей. Гьес ахIулел рукIана президентасул рищиязда оппозициялъул рахъалдасан цо кандидат вихьизавизе. Гьеб майданалда ЦIияб соналъе дандчIвай Пачалихъияб гимнги ахIулаго гьабуна бащдаб миллион гIанасев чияс. Оппозициялъул ва «евромайданалъул» рахъ кколез тIалаб гьабулеб буго Евроцолъигун гIагарлъизе.
Гьеб идарагун ассоциациялъулаб къотIи хъвай нахъе бахъараб Украиналъул тIалъиялъ хьул гьабулеб буго Россиялдаса бачIине рагIи кьураб финансазул кумекалда. 2014 соналъул 1 январалдаса нахъе Россиялъ Украиналъе бичулеб газил багьа лъабго нухалда дагь гьабун буго.