Волгоградалда троллейбус кьвагьизабун буго живго чIвалес. Гьедин лъазабуна ЦIех-рехалъул комитеталъул вакил Владимир Маркиница.
Кьвагьи гьабурав чиясул хутIелал экспертизаялде ритIун ругинги лъазабуна гьес.
Ахирисел баяназда рекъон, итни къоялда Волгоградалда тролейбусалъуб кьвагьи гьабидал хун вуго 14 чи. Лъукъун вуго 30 гIанасев. Лъукъаразда гьоркьоб буго хахулеб лъимерцин, гьеб кутакалда захIматаб хIалалда бугин лъазабулеб буго.
Тролейбусалъуб кьвагьизабураб алаталъул къуват тротилалъул эквиваленталда 4 килограммалда бащалъулеб букIун буго. Кьвагьиялъул гучалъ тролейбус кIитIезабун ва сверухъ рукIарал минабазул гордазул цIурдул гъурун руго. Гьедин лъазабулеб буго ЦIех-рехалъул комитеталъ.
ГьатIан къоялдаса нахъе гьеб ккола Волгоградалда гьабураб кIиабилеб кьвагьи. 29 декабралда Волгоградалъул маххул нухазул вокзалалда бомба кьвагьизабиялъул хIасилалда хун вуго 17 чи, анцI-анцI чи лъукъун вуго. Киналго хварал щалали чIезабун буго. Гьезда гьоркьоб буго кIиго лъимер.
Кьвагьияздаса хадуб Волгоградалда ва сверухълъиялда лъазабун буго террористияб хIинкъиялъул «тIогьилаб» ай цIикIкIараб даража. Шагьаралъул къватIахъ хъаравуллъи гьабулеб буго полицияз, гIадатиял гIадамаздасан гIуцIарал къукъабаз ва казаказ. Цо-цо дармил центраз ва хIалтIул идарабаз хIалтIи чIезе тун буго, гIадамал рекIунел гьечIо жамгIияб транспорталда.
Волгоградалъул ракьалда 30 декабралдаса 3 январалде щвезегIан лъазарун руго чIегIер баялъул къоял. Нахъе рахъун руго ЦIияб соналъул киналго тадбирал. Киналда хваразул хъизабазе цо-цо миллион ва лъукъаразе кIинус-нус аза-азар гъурущ кьезе бугин лъазабулеб буго нухмалъиялъ.
Кьвагьи гьабурав чиясул хутIелал экспертизаялде ритIун ругинги лъазабуна гьес.
Ахирисел баяназда рекъон, итни къоялда Волгоградалда тролейбусалъуб кьвагьи гьабидал хун вуго 14 чи. Лъукъун вуго 30 гIанасев. Лъукъаразда гьоркьоб буго хахулеб лъимерцин, гьеб кутакалда захIматаб хIалалда бугин лъазабулеб буго.
Тролейбусалъуб кьвагьизабураб алаталъул къуват тротилалъул эквиваленталда 4 килограммалда бащалъулеб букIун буго. Кьвагьиялъул гучалъ тролейбус кIитIезабун ва сверухъ рукIарал минабазул гордазул цIурдул гъурун руго. Гьедин лъазабулеб буго ЦIех-рехалъул комитеталъ.
ГьатIан къоялдаса нахъе гьеб ккола Волгоградалда гьабураб кIиабилеб кьвагьи. 29 декабралда Волгоградалъул маххул нухазул вокзалалда бомба кьвагьизабиялъул хIасилалда хун вуго 17 чи, анцI-анцI чи лъукъун вуго. Киналго хварал щалали чIезабун буго. Гьезда гьоркьоб буго кIиго лъимер.
Кьвагьияздаса хадуб Волгоградалда ва сверухълъиялда лъазабун буго террористияб хIинкъиялъул «тIогьилаб» ай цIикIкIараб даража. Шагьаралъул къватIахъ хъаравуллъи гьабулеб буго полицияз, гIадатиял гIадамаздасан гIуцIарал къукъабаз ва казаказ. Цо-цо дармил центраз ва хIалтIул идарабаз хIалтIи чIезе тун буго, гIадамал рекIунел гьечIо жамгIияб транспорталда.
Волгоградалъул ракьалда 30 декабралдаса 3 январалде щвезегIан лъазарун руго чIегIер баялъул къоял. Нахъе рахъун руго ЦIияб соналъул киналго тадбирал. Киналда хваразул хъизабазе цо-цо миллион ва лъукъаразе кIинус-нус аза-азар гъурущ кьезе бугин лъазабулеб буго нухмалъиялъ.