УДАР абулеб оппозиционияб партиялъул лидер Виталий Кличкоца Киев бакьулъе ракIарарал руччабигун лъималазда абулеб буго гьениса нахъе аян. Гьесул рагIабазда рекъон, Бессарабская ва Михайловская майданаздасан гьенире рачIунел руго хасал хъулухъазул аскарал.
Цебе лъазабулеб букIана Киев бакьулъе рачIун ругин гьел аскарал рекIарал автобусалгун автомашинабийин. Твиттералда тIибитIун буго оппозициялъ ккун ругел кварталазда «зачистка» байбихьулеб бугин абураб информация.
Украиналда халат рахъунел руго улка ЕвроЦолъигун гIагарлъиялъул рахъ ккурал акциял. Тахшагьаралда хIукуматалъул квартал сверун ккурал демонстрантазда ракIалда гьечIо гьениса нахъе ине. Президентасул администрациялде, парламенталде ва хIукуматалъул минаялде аскIоре унел нухал къан руго нус-нус чияс.
Киевалда ва Украиналъул цоги шагьаразда евроинтергациялъул рахъ кколезул акциял байбихьун рукIана 21 ноябралда. Гьелъие гIиллалъун ккун букIана ЕвроЦолъигун ассоциация гьабиялъул къотIи хъваялъул иш заманаялъ чIезабизе хIукуматалъ хIукму гьаби.
Цебе лъазабулеб букIана Киев бакьулъе рачIун ругин гьел аскарал рекIарал автобусалгун автомашинабийин. Твиттералда тIибитIун буго оппозициялъ ккун ругел кварталазда «зачистка» байбихьулеб бугин абураб информация.
Украиналда халат рахъунел руго улка ЕвроЦолъигун гIагарлъиялъул рахъ ккурал акциял. Тахшагьаралда хIукуматалъул квартал сверун ккурал демонстрантазда ракIалда гьечIо гьениса нахъе ине. Президентасул администрациялде, парламенталде ва хIукуматалъул минаялде аскIоре унел нухал къан руго нус-нус чияс.
Киевалда ва Украиналъул цоги шагьаразда евроинтергациялъул рахъ кколезул акциял байбихьун рукIана 21 ноябралда. Гьелъие гIиллалъун ккун букIана ЕвроЦолъигун ассоциация гьабиялъул къотIи хъваялъул иш заманаялъ чIезабизе хIукуматалъ хIукму гьаби.