Россиялъул президент Владимир Путиница гъулбас лъуна РИА «Новости» абулеб информационияб агентлъиялъе ликвидация гьабиялъул хIукмуялда гъоркь. Гьелъул кьучIалда гIуцIулеб буго «Россия жакъа» абулеб халкъаздагьоркьосеб информагентлъи. Гьедин лъазабулеб буго Кремлалъул сайталда. ЦIияб агентлъиялъул генералияв директорлъун тун вуго Дмитрий Киселёв. «Россия жакъа» абулеб агентлъиялъул аслияб масъалалъун букIине буго Россиялъул пачалихъияб политикаялъул ва жамгIияб гIумруялъул къатIисел улкабазда бици. Гьединго лъазабулеб буго «Россиялъул Гьаракь» абулеб пачалихъияб радиокомпания къалеб букIиналъулги. Гьелъул кинабго буголъи кьолеб буго цIияб агентлъиялъухъе.